ფუტკარი გადაშენების გზას ადგას

ფუტკარს დიდი მნიშვნელობა აქვს დედამიწაზე სიცოცხლის არსებობისთვის. ფუტკრები მონაწილეობენ მცენარის გამრავლებისთვის აუცილებელ პროცესში-დამტვერვაში.

ფუტკრები იკვებებიან ყვავილის ნექტარით და უნებლიედ გადააქვთ ერთი ყვავილიდან მეორეზე მტვერი. ფუტკრის ბუსუსიანი სხეული ძალიან კარგად იკრავს მტვრის ნაწილაკებს. სწორედ ამიტომ მცენარეთა უმეტესობა ფუტკრების საშუალებით იმტვერება. ცნობილია, რომ ერთ ფუტკარს 15 000-მდე მტვრის მარცვლის გადატანა შეუძლია.  

ფუტკარს, როგორც ბიოლოგიურ ინდივიდს, გამოვლილი აქვს უამრავი ცვლილება დედამიწის ისტორიაში. მიუხედავად ამისა ადამიანმა შესწორებები შეიტანა მის ცხოვრებაში და ამუშავებს და აცხოვრებს ფუტკარს ისე , როგორც მას მიაჩნია საჭიროდ. ამ ჩარევის შედეგი სავალალოა. ფუტკარი გადაშენების გზას ადგას.

ფუტკრების შემცირების ძირითადი მიზეზია პესტიციდები. ფუტკრებისთვის განსაკუთრებით საშიშია პესტიციდების ის კლასი, რომელსაც ნეონიკოტინოიდებს უწოდებენ. ნეონიკოტინოიდები ბლოკავს მწერის ნერვულ დაბოლოებებს და ისეთ გავლენას ახდენს, რომ ისინი ნელ-ნელა კვდებიან შიმშილისგან.

ჩვენ ავიღეთ ინტერვიუ ერთ-ერთი მეფუტკრესგან, რომელიც აცხადებს:

“ვცხოვრობ ქალაქის გარეუბანში. გადავწყვიტე ფუტკრის მოშენება. დასაწყისისთვის მყავდა სამი ძირი, რომელიც ძალიან კარგად მუშაობდა მინდვრის ყვავილებზე. ეს მცენარეები უხვადაა ჩემს საცხოვრებელ სახლთან.  თავიდან ფუტკარი ძალიან მომძლავრდა და სამი ძირი გახდა ჯერ 6, ხოლო შემდეგ 12 სკა. თაფლსაც უხვად გვაძლევდა, რა თქმა უნდა ჩვენგანაც არ აკლდა მოვლა.  შემოდგომაზე ჩავატარეთ ყველა საჭირო პროცედურა რაც საჭირო იყო ფუტკრის ნორმალური გამოზამთრებისათვის: შეწამვლა , დათბუნება... მაგრამ გაზაფხულზე როდესაც ფუტკარი სკებიდან სამუშაოდ გამოვიდა  შევამჩნიეთ, რომ ფუტკრის აქტივობა შემცირდა, მიზეზს კი ვერ ვხვდებოდით. რამდენიმე თვეში ფუტკარი მთლიანად დაიხოცა “

ამ პრობლემის გადაჭრის ერთადერთ გზად მიგვაჩნია ნეონიკოტინოიდების გამოყენების აკრძალვა, ვინაიდან ნეონიკოტინოიდები შეიძლება გახდეს დედამიწაზე სიცოცხლის არსებობისთვის აუცილებელი ინდივიდების, ფუტკრების გადაშენების მიზეზი.  

აქცია-"გადავარჩინოთ საქართველოს ტყეები"

ღვარცოფისა და მეწყერის გახშირების ერთ-ერთი მთავარი მიზეზი ტყის გაჩეხვაა.  ტყის გაჩეხვა არა მარტო სტიქიური მოვლენების, არამედ ბევრი დაავადების წინაპირობაცაა.

 ხეების მოჭრის შედეგად წარომქმნილ მდელოებზე მრავლედებიან მალარიის გადამტანი კოღოები-ანოფელესები. ანოფელესები მნიშვნელოვნად განსხვავდებიან სხვა კოღოებისგან. 

მალარია მძიმე პარაზიტული დაავადებაა. მალარიით ყოველწლიურად 300-დან 500 მილიონამდე ადამიანი ავადდება. აქედან 1-დან 3 მილიონამდე იღუპება. დაღუპულთაგან 1-1.5 მილიონი მცირეწლოვანი ბავშვია.

ამის გამო ჩვენ ჩავატარეთ პატარა აქცია. მოჭრილ ხეებზე ვაკრავდით პლაკატებს წარწერით: -"ყოველი მოჭრილი ხის ნაცვლად უნდა დარგოთ 10 ხის ნერგი". იხილეთ აქციის დროს გადაღებული სურათები:

გარემოს დაბინძურება

ყველგან შავ-თეთრი ფერები, დანგრეული სახლები, პოლიეთილენის პარკები, პლასტმასის ბოთლები, საღეჭი რეზინის ქაღალდები, შუშის ნამსხვრევები, გაჩეხილი ტყეები, მანქანების გამონაბოლქვი. ეს ჩვენი დღევანდელი რეალობაა. გულდასაწყვეტია, როცა მიდიხარ ნაცნობ ქუჩებზე, რომლებიც  ნაგვითაა სავსე. ამ თემასთან დაკავშირებით ჩვენ ავიღეთ ინტერვიუ რამდენიმე მოქალაქესგან:

ჩვენს მიერ გადაღებული რამდენიმე სურათი:

WWF-ს რეკლამები

სიახლეზე მუშაობდნენ:

სალომე ჩანადირი

ანა გოგიშვილი

ადამიანი ბუნების ნაწილია. საჭიროა ვიყოთ ჰარმონიაში სამყაროსთან. სწორედ ამ ჰარმონიული ურთიერთობით შეიძლება პლანეტის გადარჩენა.

მთავარია შევიყვაროთ ბუნება. თუ გვექნება ბუნების სიყვარული, გაგვიჩნდება სურვილი მოვუფრთხილდეთ და დავიცვათ ის.

 ჩვენ მოვიძიეთ ინფორმაცია არასამთავრობო ორგანიზაციის-WWF-ის შესახებ. რომელიც დაახლოვებით ნახევარი საუკუნეა პლანეტის გადასარჩენად იბრძვის. იგი ცნობილია კრეატიული და საინტერესო რეკლამებით, გთავაზობთ რამდენიმე მათგანს:

გაუფრთხილდი დედამიწის ფილტვებს:

 WWF-ის მოხალისეებს ბუშტები და ქინძისთავები. პირველი ბურთი დედამიწის ანალოგია, მეორე კი დაბინძურებული ჰაერი. მოხალისეებს ქინძისთავით უნდა გაეხეთქათ პირველი ბუშტი და გაენთავისუფლებინათ დედამიწა. ამის შემდეგ კი

ნათელი ხდებოდა, რომ თუ ყველა ერთად ვიმოქმედებთ, შევძლებთ პლანეტის გადარჩენას:

შეაჩერე გლობალური დათბობა, თუ ასე გავაგრძელეთ, დედამიწა წყლით დაიფარება:

თუ ეშვს აღარ შეუძლია დაიცვას ვეფხვი, როგორ დაგიცავს შენ? ნუ შეიძენ გარეული ცხოველების სუვენირებს:

გარეული ცხოველები, თქვენი წარმოდგენით:

ნუ შეიძენ გარეული ცხოველებისგან დამზადებულ სუვენირებს!

შეაჩერე კლიმატის ცვლილება, სანამ ის შეგცვლის შენ:

მხოლოდ ბუნებას შეუძლია ჩვენი სიკვდილისგან ხსნა:

სულ უფრო და უფრო რთული ხდება მათი დანახვა:

დაზოგე ქაღალდი:

ვეფხვის ევოლუცია:

სიახლეზე მუშაობდნენ:

სალომე ჩანადირი

ანა გოგიშვილი

ხშირად ჩვენ ძალიან უხეშ შეცდომებს ვუშვებთ. არ ვუფრთხილდებით პლანეტას, არ ვცემთ პატივს ბუნებას. დაბინძურებული ბუნება მრავალი დაავადების წინაპირობაა. ქუჩაში დაყრილი პოლიეთილენის პარკები, ცხოველების დაღუპვას იწვევს. ერთი შეხედვით ლამაზი ბუნება, არაჯანსაღი და ბინძური ხდება. ყველაზე ცუდი ის არის, რომ ამაში ყოველი ადამიანის ხელი ურევია. 

ეს არის ჩვენს მიერ გადაღებული, დაბინძურებული ბუნების ფოტოები:

ჩვენ გადავიღეთ ბუნების ლამაზი ფოტოები, ყველა ფოტო გადაღებულია სამოყვარულო ფოტოკამერით და არც ერთ მათგანზე არაა გამოყენებული ფოტოშოპი. დაათვალიერეთ ისინი:

დაიცვა ბუნება, ნიშნავს დაიცვა სამშობლო. ბუნების დაცვა სამშობლოს სიყვარულის გამოხატულებაა. დღევანდელ სამყაროში, იმისთვის, რომ იყო გმირი. არ არის აუცილებელი ხელში ხმალი გეჭიროს. ის ვინც ბუნებას იცავს-გმირია! გმირია რადგან უნდარჩუნებს მომავალ თაობებს ჯანსაღ გარემოს! ყველას მოგიწოდებთ! ჩაერთოთ ღონისძიებებში, რომლებიც მიზნად ისახავენ ბუნებრივი რესურსების დაცვას! 

იხილეთ ჩვენს მიერ გადაღებული რამდენიმე ვიდეო: